我雖然係熱火fans，但就唔睇好今季常規賽MVP會再係勒邦占士嘅囊中物，因為今季有一個人絕對有資格取得常規賽MVP，佢就係雷霆當家球星杜蘭特。雷霆季前同火箭達成6人交易，用占士夏登換咗奇雲馬田返嚟，當大家都以為球隊嘅實力會跌Watt之際，雷霆暫時可以16勝4負的成績排西岸第2，僅次於馬刺，有8成得勝率，戰績比上季仲好。
雖然杜蘭特今季暫時得分有所下降，但其他方面嘅成績如籃板球、助攻、偷截和封阻嘅數據全部交到貨，更重要嘅係佢嘅其投射命中率和3分球命中率都有大幅提升，可見佢已經逐漸變成領袖級球員。
我好鍾意「波神」米高佐敦，除咗因為佢球技出眾外，另一原因係佢可以幫助隊友發揮無限潛能，如3分射手卡爾、「籃板王」洛文、柏賓等都因為拍住佐敦而將自己的潛能發揮晒出嚟，依家嘅杜蘭特就好有當年「波神」嘅領袖影子，所以我睇好佢可以攞到今季常規賽MVP。
蔡芳裕