高比拜仁「波神」上身？呢排湖人戰績反覆，身為大佬嘅「小飛俠」梗要做番啲嘢！據美國傳媒爆料，高比仔喺鬥金塊之前嘅操練發晒癲，一時對住隊友咆哮，一時又拍枱拍櫈掟嘢，癲成咁班隊友仲邊敢懶懶閒吖！
結果湖人隊友亦不負高比仔一番苦心，尋日主場以122比103大勝金塊，老將占美臣仲鹹魚翻生取得33分、「超人」杜域侯活喺籃底瘋勁爆貢獻28分加上20個籃板球。湖人聽朝主場恭候魔術只係小讓4.5分，以佢哋班球員「上晒身」嘅表現，上盤玩得過。（now 678周一早上10時30分直播）