戴拿模門神受創恐失明
事件發生喺上半場36分鐘，主場嘅戴拿模以1比0領先，從閉路電視畫面睇到一名女球迷向舒尼掟煙花，舒尼被掟中後，周圍都係煙霧，舒尼亦痛到掩面倒地，事後警方喺女廁搵到大量避孕套，懷疑女球迷將煙花放入避孕套，再塞入陰道及肛門逃過檢查偷運入球場。賽事立即腰斬，舒尼右眼被化學品燒傷，右耳亦受傷。
俄羅斯總理梅德韋傑夫譴責事件，並指「並非球場事故，係一種罪行，而且係有預謀嘅犯案」，佢話要立法防止球場再次發生類似事件。警方拘捕92人，但仍未搵出真兇。根據俄國法例，被捕者會被控足球流氓罪，最高罰款50萬盧布（約12.3萬港元）及入獄五年。