曾揚言保存「處女之身」難過做世界冠軍嘅美國「跨欄王后」洛洛鍾絲，最近牽涉一段情慾片疑雲，但佢堅稱自己冇拍過性愛錄影帶，點都要保住面「貞節牌坊」！
身為虔誠基督徒嘅洛洛鍾絲，倫奧時自爆30歲人仲係處子，一定要留番最寶貴嘅畀未來老公，令佢人氣急升，不過早前流出一段性愛錄影帶，盛傳女主角就係洛洛鍾絲，洛洛據稱正同NFL球星蘇亞蜜運，佢梗係要澄清啦：「我冇拍過，我唔使用呢種方式去令自己出名！」