連「阿Sa」蔡卓妍都讚佢靚仔嘅德國體操運動員尼古恩，近日就流出同女友親密床照，唔知咁樣又傷透咗幾多少女嘅心？
靚仔到爆嘅樣、一排「朱古力」腹肌、壯闊嘅胸膛，再加埋喺倫奧奪得男子體操個人全能銀牌，令尼古恩迅即成為紅爆網絡界嘅「宅女男神」。不過，最近喺網上瘋傳緊佢同女友嘅親密照，包括兩人喺床上攬埋一舊鬼死咁親熱嘅床照，另一張係海邊度假相。呢啲相流出後，有唔少人都大讚郎才女貌，但亦有好多Fans話心都碎埋，嫉妒到爆！