保特想做 最快紅魔鬼

輕鬆衞冕奧運百米冠軍後,牙買加飛人保特下一目標係乜嘢呢?答案竟然係去曼聯踢波!保特接受訪問時表示:「大家可能以為我開玩笑,不過假如曼聯領隊費格遜打電話叫我去試腳,我好難拒絕。我會成為球隊跑得最快嘅人,而且我球技唔錯o架!」

尼馬做埋「閃電俠」粉絲

保特曾於2009年到訪曼聯嘅卡靈頓訓練基地,拜訪費格遜同曼聯球員。保特表示:「我想試吓喺球場上有啲作為,我認為自己可以拍得住朗尼。」唔少紅魔球迷對保特呢個表態欣喜若狂,有球迷甚至認為已經找到傑斯嘅接班人,連巴西奧運足球隊主將尼馬都係保特「粉絲」,佢最希望可以攞到保特親筆簽名照。