森巴吊環王極速彈起

擊敗陳一冰嘅巴西選手沙尼迪今年22歲,一直主攻吊環,去年正式彈起,於4個大賽分別取得2金2銀,被指為下屆里約熱內盧奧運主辦國嘅金牌希望,估唔到佢提早一屆已經贏得冠軍。

沙尼迪09年才冒起,舊年突然彈起,先於深圳舉行嘅大學生運動會吊環奪金,又於泛美運動會取得吊環銀牌及團體金牌,接着世界賽取得銀牌,藉此取得今屆奧運參賽資格。

喺倫奧沙尼迪只參加吊環一項,初賽造出15.616分成績,以第4名殺入決賽。