奧運用品 全球bid爆

奧運全球(目及)實,有幾矚目唔使再講,好多體育迷都想將「奧運用品」據為己有,搞到拍賣網不知幾好生意!其中男單網球決賽所用嘅網球,依家被bid到355鎊(約4,300港元);而男籃決賽嘅專用波,底價就超過萬五蚊港紙!

梅萊擊敗費達拿取得網球男單金牌,英國人開心到暈,所以決賽所用嘅網球好多人吼,相信最後成交價唔止4,300蚊港紙;另外羽毛球女單銅牌戰所用嘅羽毛球亦係熱門item,拍賣底價為250鎊。美國隊勢奪男子籃球金牌,好多fans已經對個專用籃球流晒口水,底價被定為1,304鎊(約15,800港元)。