美國男子泳手羅切特喺今屆奧運大放光芒，但據英國《每日郵報》爆料，羅生雙親非常折墮，家陣欠落周身債，隨時要將位處佛羅里達州嘅大宅變賣填氹，認真陰功！
羅切特雙親被指喺07年拎咗層樓去按套現，每個月都要還款，但佢哋上年2月開始冇入數，依家仲欠緊銀行超過超過24萬美元（約186萬港元），層樓將會變成銀主盤，要拎去拍賣，若然賣價冚唔到欠款，仲要補番差價添！羅切特喺今屆倫奧贏咗2金2銀1銅，雖則啲獎牌唔多值錢，但始終極具紀念價值，相信有唔少人有興趣收購，一於整番幕賣牌救雙親啦！