倫敦奧運傳送聖火嗰支火炬，據講係「傳統與現代」嘅完美結合，獲得2012年英國設計年度大獎，即係自己人頒獎畀自己人。而英國傳媒ＢＢＣ仲犀利，佢哋將會派出765人採訪奧運，人數多過英國奧運選手。另一邊廂，史畢茲、盧根尼斯等18位奧運名將，喺美國加州向電子品牌「三星」提出集體訴訟，指一個名為「奧運基因」嘅面書程式，濫用佢哋嘅姓名同肖像。