自14、5歲出道便以一襲金色飄逸長髮為標記的舒拉寶娃，換了新髮型迎接夏天，昨天更在Facebook上載兩張短髮Look的私相，希望大家畀個Like！這位本月19日便25歲的俄羅斯網球天后留言：「你哋覺得我嘅新髮型點？我就好鍾意嘞！」
雖然長髮少了一份性感，但就增添一份成熟、清爽，啱晒年底下嫁籃球員胡查錫的少婦形象。難怪相片上載數小後已有超過兩萬個粉絲「讚好」，以前靚定依家靚的意見就一半半，有粉絲留言說：「噢！馬尾不見了，但依然美艷如昔，而且更加『型』格呢！」