約華路雲做訪問，好困難！唔係因為呢位隊長「大牌」，而係任職見習律師嘅佢連午飯時間都要開會，食飯都未必得閒。不過，無論工作多繁忙，每次出現喺欖球場嘅Rowan都精力十足。華路雲凡事盡力嘅精神，絕對係隊友好榜樣。
選讀法律，Rowan說原因不離欖球：「欖球同法律界關係好緊密，好多律師都係欖球愛好者，亦有好多欖球員係律師。好似我任職嘅律師樓就非常支持欖球，佢哋喺今屆『七欖』更有包廂，所以可能同事們都會嚟幫我打氣！」而且華路雲媽媽都係律師，所以佢好自然就選讀法律。
為保持狀態練習，Rowan繁忙生活中亦盡量維持7至8小時睡眠，當中不免犧牲社交娛樂。不過，呢位26歲年輕人絕不後悔，仲話「絕不能為自己嘅責任找藉口！」