哥莉亞之前曾與多名男子扯上關係，令到「大帝」蒙羞，今次又惹官非確實非常麻煩。事發喺上年4月，佢喺邁阿密一間酒店泊車，因為等得太耐，竟然使出「鐵沙掌」掌摑一名服務員，最終驚動警方，勒邦占士由於事發時唔在場，所以未有被牽連。
嫌林書豪人氣未夠勁
經過一輪審訊後，法官決定輕判哥莉亞捐出1,000美元，用作支援海地災民，罰款幾千蚊對「大帝」嚟講濕濕碎啦，皆因占士哥日前又收到巨額代言費，著名「冬甩」店Dunkin'Donuts與占士簽下超過100萬美元合約，未來兩年為品牌拓展亞洲市場。其實該品牌原本都打算搵新星林書豪，但基於J.Lin只係剛起步，所以穩陣啲都係找「大帝」。