繼阿仙奴之後，本報尋晚收到風，今季喺英超有超水準表現嘅紐卡素，將派青年軍參加今年5月喺香港舉行嘅國際七人足球賽，並可能安排幾名一隊球員隨隊，當中大熱人選係「喼頓」、阿根廷國腳後衞高洛仙尼。獲英國官方認可嘅香港紐卡素球迷會，尋晚向本報透露已籌備簽名會等相應活動，希望可以邀請喜鵲一線球星同香港「紐迷」作近距離接觸！