好多球迷都知朗尼係一個高球愛好者，能進入高球電玩世界都好合理。其實喺「活士高球08」版本，朗尼已成為其中一個星級選手，相信玩家對佢都幾受落，如果唔係生產商又點會翻兜。另外車路士門將施治、曼城球員占士米拿以及阿仙奴快翼禾確特，今次都會喺「活士高球13」中出現，認真夠噱頭。
杜域侯活做隱藏人
有外國遊戲網站表示，唔少英超球員都好鍾意高球，比如泰維斯同埋比拿美，希望生產商考慮加埋呢兩位球員入去。另有網友就提議，不如出番隻以全英超球員做主角嘅高球Game，應該幾受歡迎。仲有，現時効力NBA魔術隊嘅杜域侯活都列入隱藏人物當中。