雖然早前有媒體指高比仔正盡最後努力挽回婚姻，但似乎只屬流料，事關《TMZ》日前從房地產機構嘅官方文件中，查到高比仔已經在1月5日將兩棟豪宅過戶雲妮莎名下。
《TMZ》指其中位於紐波特海岸嘅豪宅「豪到爆」，有10間房，而且又有假山及人工湖等，價值高達1,350萬美元（約1億港元）。至於另一間豪宅就鄰近雲妮莎母親嘅住所，估計兩棟加埋總值肯定超過2,000萬美元。
雲妮莎棄另一「同名」豪宅
不過，今次「分家」高比仔都唔係一無所有，在轉名同一日內，雲妮莎就願意在一間與高比仔共同擁有嘅豪宅「除名」，據悉該豪宅同樣位於紐波特海岸，但就仍在建造中，所以話唔定兩人做唔成夫妻，遲下會做番鄰居。