有德國情意結 最欣賞「奇哥」

亨利係法國射手，不過鄭少偉追捧嘅國家隊並非法國，而係法國嘅死敵德國，他表示早喺96年奇連士文捧起歐洲國家盃開始，已經有咗德國情意結：「德國係大賽專家，每逢世界盃同歐國盃，德國總係贏多輸少，而且佢哋每隔一段時間都會有新星出現，而奇連士文就係我最欣賞嘅球星，皆因『奇哥』嘅射術同比賽態度簡直係典範，至於近年高路斯同奧斯爾我都好Like。」

每逢大賽，亨利就會化身德國粉絲，今年歐國盃亦唔例外，到時佢會着晒全套德國隊裝備，支持愛隊爭取第4次奪標。