香港體操總會昨日宣布女將黃曉盈最終獲得國際體操聯盟確認，取得倫敦奧運參賽資格，同男將石偉雄齊齊登上奧運列車。港隊教練潘鏡雄解釋，黃曉盈雖喺遴選賽獲59名，但由於部分前列選手嘅隊伍早已獲得資格，加上由於單項達標人數比預期少，令原本前24嘅入圍名額增至35，經計算後，曉盈排名順序推上第27位，獲得資格。港隊將於周日返港，屆時將細談備戰情況。