柯迪斯係職業拳手，今年二十四歲，雖然身高只係得1米75，矮過高比仔差唔多成呎，不過佢攞過唔少獎項，喺美國嘅知名度甚高，據報道表示，雲妮莎同柯迪斯喺一間高級餐廳約會，態度非常親蜜，估計兩人非朋友關係咁簡單！
傳高比仔有105性伴
不過更轟動嘅消息係，據雲妮莎密友透露，高比仔每年都有十次婚外情，而且每個有NBA球隊嘅城市，都有高比仔嘅性伴侶，保守估計勾搭過一百零五個女人，至於呢條數係點計出嚟，相信連高比仔自己都搞唔清。
雲妮莎目前正準備緊離婚官司，誓要同高比仔分身家，所以對於最近嘅傳聞，雲妮莎同埋佢身邊嘅朋友都無回應，高比仔離婚案現已成為美國傳媒嘅焦點，睇嚟佢嘅性醜聞會陸續有來！