預告「蜘蛛女」加盟
和埔大埔上季獲得FIT BOXX贊助，引入咗「打氣Baby」，強襲一眾體育版版面，並引起各界關注！有見及此，今季亦有唔少甲組球隊爭相倣效，公民、屯門、天水圍飛馬都相繼組織咗應援團，連衞冕嘅傑志亦邀請到「杰寧公主」Kelena潘杰寧擔任啦啦隊隊長，令甲組波場變得美女如雲！
創造出呢片熱潮嘅FIT BOXX市場部經理麥展華爆料話，佢哋2012年會有更大動作：「2010年我哋有Lulu、今年就加多4個Babies，為港甲製造咗唔少各媒介熱烈討論嘅話題，又吸引更多球迷入場。新一年我哋已經邀請咗前世界健美冠軍『蜘蛛女』鄭麗莎擔任代言人，相信佢可以同大埔球員及其他Babies擦出新火花。」
