Kim Kardashian「撻着」高比仔，而佢個妹「奧當嫂」Khloe Kardashian最近亦有新聞傳出，有指呢位亦係電視台姐仔嘅靚太，竟然被小牛班主古班（目及）中！
「奧當嫂」日前去到小牛主場，欣賞老公首次為小牛披甲對雷霆嘅季前賽，美國網站《Terezowens》就影到佢坐在VIP廂座時，同小牛班主古班雞啄唔斷，古班仲愈「控」愈埋，個樣鬼咁冧，連班波打成點都唔理，好似完全忘記咗Khloe係阿嫂嘅身份。網站之後揶揄古班因為溝女先用盡方法去羅致奧當，以便近水樓台奪得美人歸。
查實Kardashian係一門三「美」，除Kim同Khloe之外，大家姐Kourtney亦係女藝員同Model，但就以Kim最出名。