湖人Big4 失敗收場
NBA史上實在太多無冕之王，佢哋之所以攞唔到冠軍，某程度就係太少「兄弟」幫手。「郵差」馬龍多年來只有史托頓輔助，如果爵士當年搵多一個「巨頭」去夾「孖寶」，可能「波神」米高佐敦就唔能夠手執6枚冠軍指環。
不過太多「巨頭」亦非好事，「紫金兵團」湖人在03至04球季就讓球迷尖叫地請來馬龍與佩頓，聯手高比仔及奧尼爾，當其時更被傳媒譽為史上最強「Big4」。可惜4人同場竟產生不了太大的化學作用，而且幾位做慣大哥嘅「巨頭」屢次傳出不和，最終在總決賽不敵活塞，湖人亦立即斬攬解散呢個「豪華團」，只留下高比仔，經歷數載低潮後，終在2009及2010年重溫總冠軍美夢。