住屯門對屯門都冇面畀
銀牌４強由日之泉ＪＣ晨曦作客屯門的賽事將於周日（11日）上演，晨曦陣中的「港腳」李恒匯，原來就正正住在與球場只有一街之距的屋苑，令這場作客賽事儼如他的「主場」。李恒匯話對贏波有信心，就算對唔住班街坊都冇計，不過就強調會嘜實屯門的馬高遜，不讓這危險人物有機會發難。
要嘜實馬高遜
以前住在港島的阿匯，最近一年搬入新界，現居同屯門的主場鄧肇堅球場好近，「落街一過馬路就到」。他自爆平日一個人，有時間都會入場睇屯門比賽。「屯門近排成績咁好，呢場難打過季初就一定㗎啦。好似馬高遜季初啲波只係自己去，最近就同隊友配合得好好，所以今場一定要小心啲佢。」
由出道時擔任中堅轉踢後衞的阿匯，喺聯賽贏屯門同埋標準流浪，他就助攻給「亨利」鄭少偉入了２球，阿匯不諱言二人默契不俗，可望為己隊創造更多入球。「我同『亨利』都識咗咁多年，喺傑志同５人代表隊都合作過，大家默契一向都ＯＫ嘅。」