有身材、有技術、有體能，譚偉洋注定是天生的「SportsMan」！除籃球外，「阿洋」自小更曾為足球校隊，排球、網球、鉛球、鐵餅、連越野賽都玩過，難怪「阿洋」出到社會工作，亦離不開體育界。
「其實我拎過4年 SportsBoyo架！」譚偉洋作為本地籃壇icon，「籃人」形象深入民心，但當年以1米95身高冠絕學界，並當選過4年學界紫荊盃最佳男運動員。「中學時因為我的身高，不同校隊教練都說我『啱使』，所以當時踢過足球、玩過網球、排球同鐵餅等，瓣瓣都交到成績，而且全唔使點練都有獎攞架！」呢種異於常人嘅運動細胞，大家絕對羨慕唔嚟！