「德國小豆」一腳搞掂 喇沙射垮男拔萃!

喇沙一球踢走男拔萃!昨在掃桿埔上演的超級宿敵對決,「紅魔鬼」喇沙書院憑「德國小豆」韋健豪一箭定江山,殺敗拔萃男書院,在港九區校際Division 1足球分組賽力保一線生機。賽後韋健豪高興得揮舞校旗慶祝,原來這位中德混血兒曾在○六年世界盃擔任持旗手,果然係熟手!

由於喇沙兩名主力方栢倫與馮慶燁,早前要代表深水埗出戰甲組聯賽而棄戰學界,令他們迎戰聖若瑟書院與香港國際學校接連失分,一度陷於出局邊緣。正所謂「不是冤家不聚頭」,偏偏在喇沙告急之際,就要與男拔萃同時爭逐救命三分,故昨日「喇拔大戰」早早已吸引三百多名支持者撐場。

韋健豪曾任06世盃持旗手

喇沙上半場控制戰局,但「德國小豆」韋健豪的單刀及彭英杰的頭槌均被門柱擋出,及至下半場十二分鐘,喇沙終憑韋健豪接應方栢倫傳送,單刀射入,奠定一比○勝局。今次成為喇沙英雄的韋健豪,原來大有來頭。這位踢法與曼聯「小豌豆」查維亞靴南迪斯相近的中德混血兒,曾於○六年以球技力壓其他港孩,獲選到德國擔任德國對阿根廷世界盃賽事的持旗手,故今次賽後都不忘揮動喇沙校旗來慶祝。他表示:「好高興可以在這傳統大戰奠定勝局,重要性就好像曼聯對利物浦取得入球,希望喇沙最終可以衞冕成功。」

喇沙爭出線要睇聖若瑟

男拔萃輸波後四戰只得四分宣布無緣準決賽,而已完成所有分組賽的喇沙,則以五戰得十分排第二位。由於同日聖若瑟以二比○擊敗聖公會聖三一堂中學,四戰得八分,故此喇沙要出線,必須寄望聖若瑟在最後一戰對香港國際時失分。雖然香港國際已穩奪出線權,但為保首名出線,定必在對聖若瑟時全力搶分,聖若瑟要贏亦非易事,因此,喇沙仍有頗大的出線機會。

圖/文:司徒子文、Vien