飛馬都有SuperGirls
於甲組聯賽暫列榜首的飛馬終於有「足球」寶貝喇！由「o靚模」Ayu、Elaine（阿旦）及Bambi組成嘅「SuperGirls」動靜皆宜，三人平日玩開瑜伽、排球同單車，有樣有才能，飛馬外援麥基都讚attractive（好吸引）！
SuperGirls三位成員中曾出戰學界排球賽的「阿旦」精通各類球技，Ayu及Bambi平日亦以瑜伽及踩單車keep fit，三人均為模特兒，曾推出寫真集。
唔怕醜為球隊打氣
阿旦指早已入場支持飛馬「惡補」足球知識，更會以「唔怕醜」精神挑戰其他babies：「我們三人落到場會唔怕醜地為飛馬打氣，即使嗌破喉嚨都無所謂，希望凝聚球迷力量支持飛馬。」Bambi則指家中已裝本地波頻道，隨時溫習足球知識。
SuperGirls將於11月20日天水圍飛馬主場迎戰南華一戰中首次現身，未來或陸續增加新成員。球隊新添「足球寶貝」支持，飛馬球員當然特別醒神，麥基亦大讚吸引：「她們真的很attractive，球隊有更多人支持，我們踢球時也會特別落力，希望周四舉行的銀牌次回合，我可入多幾球為球隊爭勝！」圖/文：Faye