足球最Work包裝 港甲Babies排隊登場
今時今日搞足球，除咗踢好波仲要講包裝，球員拍吓廣告，各隊推出季票優惠，都係唔錯嘅推廣球賽好方法，不過講到最掂招數，就梗係搵Soccer Babies啦！靚女打氣團上季首次喺港甲出現，成功捧紅咗大埔同Lulu，搞到新球季大批新Babies排住隊亮相，所以話，靚女加足球幾時都咁Worko架！
大埔五條Ｑ再發功
大埔Lulu董嘉儀只得十八歲，由於佢係港甲首位搶灘嘅足球寶貝，樣靚得嚟又勤力，每逢大埔賽事經常見佢落力打氣，並非借港甲博出位之流，因此好快就同球圈中人打成一片。
上季和富大埔推廣，藉住Lulu嘅出現取得唔錯成績，所以今季實行大搞，一口氣加到五個寶貝，而論資排輩Lulu就榮升一級，成為大埔Babie「大師姐」。
至於新加入嘅Sezji，其實喺上季尾段已經見到佢，仲同Lulu組成「獅＋露」打氣組合，至於另外三位美少女Vanessa、Janelle、Icy就係新加盟，佢哋都經過一輪試鏡後脫穎而出，令大埔打氣團更加熱鬧。
屯門雙嬌搞旺場
地區球隊屯門升班以來，一直話以大埔為倣效對象，既然大埔有足球寶貝，佢哋亦跟到足，今季請來兩位寶貝Iris同Minnie加盟，由於質素甚高，立即成為討論區熱話。
兩位美女雖然係新入行，但任務艱巨，既要與大埔同公民嘅寶貝火併，又要為屯門向來熱烈氣氛推上高峰，據講高層已下達指標，希望今季主場可以出現五次爆棚，Iris同Minnie就要負起區內宣傳嘅重責，祝佢哋工作順利。
公民半打搶風頭
足球寶貝大戰其實上季已經上演，大埔有Lulu，呢邊廂公民都有Honey助陣，不過論人氣同見報率，Honey都暫時落後。今季公民決心大搞，見到大埔湊夠五個寶貝，佢哋就好似玩Show hand咁，出夠六個！
阿根廷長大嘅Honey正職係空姐，精通英語、西班牙語、普通話同廣東話，去年巴拉圭訪港，訪問辛達告魯斯就係由佢幫手做翻譯，今季再戰Lulu，佢就希望唔好搞咁多敵對關係，實行一齊喺球場打氣喎！
講係咁講，但唔知有心定無意，公民嘅寶貝總共有六個，比大埔多一個！Honey嘅五位拍檔就係QQ、Yuki、LingMan、Gobby同Algie，認真大堆頭。
大埔Baby Lulu
乃「打氣Baby教主」，去年擔任大埔足球大使後人氣急升，攻佔各大報章版面，更成為網上選舉「本地球壇十大影響力人物」之一。
大埔Baby Vanessa
與Lulu同屬「萌系美少女」的Vanessa，是今年新加入的三位成員之一。由於樣貌可愛，加盟後人氣開始飆升。
大埔Baby Icy
親切笑容是Icy最大武器，在不少網上選舉中，她永遠都是最受歡迎的模特兒之一，足見其親和力的厲害。
大埔Baby Sezji
上屆與Lulu組成「獅+露」打氣組合，雖人氣不及其拍檔，但其形象時而可愛、時而冷艷性感，迷倒不少Fans。
大埔Baby Janelle
擁有多年任職Model經驗，Janelle在鏡頭前形象相當百變，在攝影界廣受龍友追捧，工作多不勝數。
屯門Baby Minnie
年紀輕輕已擁多年模特兒經驗的Minnie，成為足球寶貝後，平日有跳舞底子的她打算排舞為屯門足球隊打氣。
屯門Baby Iris
08年曾參選香港小姐，之後任鋼琴老師。由於爸爸是足球發燒友，受影響下對本地波有深入認識，堪稱「文武雙全」的足球Baby。
公民Baby Honey
在阿根廷長大的Honey是忠實足球迷，而且人如蜜甜，今屆被公民球會冠以「公民女神」之名，可說是實至名歸。
公民Baby QQ
人如其名的QQ，笑起上來最令球迷們看得心醉，難怪不少公民球員都大讚QQ夠可愛及親切。
公民Baby Yuki
青春氣息是Yuki最吸引，也是最大的本錢！樣貌清秀的她，如若再略施脂粉，定必熱爆球場。