羅杰斯盃費達拿李娜出局

羅杰斯盃不停爆冷！剛滿30歲嘅費達拿繼溫網後，再以盤數1比2不敵法國嘅「網壇阿里」泰桑加，16強出局，Big4中只餘祖高域躋身半準決賽，呢位世界「一哥」賽後更獲塞爾維爾駐美大使館封為該國史上最重要公關人物。至於中國嘅李娜喺女單表現低迷，以直落兩盤不敵澳洲名將施杜素，16強止步，俄羅斯「雙嬌」舒拉寶娃同施禾娜莉娃，亦無緣8強。