高比拜仁同哥迪奧拿喺慈善名人賽並肩作戰！ＮＢＡ巨星高比拜仁再度踩入足球場，今次仲同巴塞隆拿主帥哥迪奧拿做隊友，兩人着住巴塞戰衣踢慈善七人賽，高比仔陣上戴黑超擺烏龍倒米，點搞呀！
美國退休女子球員夏雯係巴塞美國大使，今次喺華盛頓搞慈善賽幫助病童，巴塞fans高比拜仁舉腳支持，名帥哥迪奧拿亦披起其經典巴塞４號波衫撐場，於場上指揮若定，風采依然。高比仔亂咁踢都取得士哥，但同時擺咗個老烏，仲賴隊友溝通唔夠，曳！