保亞斯翻瞄維港猛話靚
車路士尋晚比賽完畢已經離開香港，小記發現領隊保亞斯趁住下午得閒，特別再去海旁欣賞維港海景，似乎好留戀東方之珠喎！
小記尋日喺酒店旁嘅海濱長廊見到保亞斯，見佢一副悠然自得模樣，靜靜地欣賞維港兩岸風景。
其實保亞斯之前已經欣賞過維港夜景，尋日抽空再睇一次，顯然對呢個View念念不忘，小記上前問佢對香港有咩印象？保亞斯豎起拇指話呢度好靚，不過天氣就熱咗啲。
揀唔到甜品齋歎咖啡
保亞斯喺海旁逗留咗十多分鐘，就同助手去咗酒店Coffee Shop歎咖啡，原本佢想點啲甜品食，不過喺甜品架前諗咗好耐都揀唔落手，結果只係點咗一杯咖啡慢慢歎。