基於現時拍賣網站及討論區都已嚴禁網上炒飛行動，所以網友睇到嘅「轉讓」資訊，絕大部分都標出原定價格，只有與賣家聯絡先知真正價錢。而有關人士指出，兩張原價460港元嘅決賽門票，早前已被炒到2500港元，截至尋晚更被推高至3200港元。部分海外足球網站亦有門票放售資訊，一張350英鎊（約4400港元），幾乎係原價十倍，英超不愧係票房保證！