車手悶爆焗Jam歌

車路士大軍尋晚八點於酒店一樓宴會廳開餐，現場有Live Band演奏，樂隊位置對正地下食緊自助餐班客人。快翼馬隆達飯後突然奪去鼓棍變身「車仔世榮」喪打，之後輪到門神施治接棒，馬隆達就改打細鼓，現場氣氛非常熱鬧，起碼有百人圍觀。

費拉拿喪攬女主音

跟住杜奧巴同保羅費拉拿拖埋隨隊總廚現身，總廚自彈自唱，杜奧巴同保羅費拉拿非常陶醉，仲帶動下面班食客鼓掌，保羅費拉拿心情勁High，攬實個大舊女主音跳舞，眾星Jam咗一首歌就散Band，班食客都冇機會嗌「安哥」。

保羅費拉拿High到攪住Live Band女主音。	放大圖片	車路士即興表演惹來大批fans圍觀。
保羅費拉拿（左）同杜奧巴（中）夾Band，淨喺響東方之珠先睇到架咋！	費蘭度托利斯仲食緊白果，操練時特別落力。