W克里欽科稱霸拳壇
W克里欽科（前譯華拉迪米爾）稱霸拳壇！早已擁有IBF及WBO冠軍嘅烏克蘭拳王W克里欽科，喺香港時間周日凌晨，於德國漢堡擊敗WBA冠軍英國拳王希爾，成功將三大拳擊組織嘅重量級拳王金腰帶集於一身，成為拳王中嘅拳王！
贏希爾攞埋WBA金腰帶
今場拳賽安排喺德國足球隊漢堡嘅主場舉行，共吸引4萬名觀眾入場觀戰。今年10月就31歲嘅希爾，諗住打埋今年就退休，佢本希望喺退休之前擊敗W克里欽科，留下美好回憶，點知今仗面對W克里欽科，完全被對手控制戰局，打足12回合後，三名裁判一致判決W克里欽科以點數擊敗希爾封王。