阿米瑞表示：「我哋同好多電視台高層傾過，佢哋全部都感興趣，所以我肯定高球手太太真人Show呢條橋一定行得通。」
製片商向太太團埋手
其實美國高爾夫頻道近期經常以球手生活紀錄製作節目，題材包括一班因參加巡迴賽，經常外地漂泊嘅無家可歸高球手，依家製片商打算向球手太太團入手，內容肯定更真實，更精彩。
Reverb Collective已經為五位球手太太團拍攝一批寫真，人選包括莉姿、梅莉莎、阿莉，仲有沃恩泰勒（Vaughn Taylor）未婚妻麗歐特（Leot），以及占美獲加（Jimmy Walker）太太艾蓮（Erin），不過麗歐特同艾蓮只應承拍寫真，無意喺真人Show出鏡。