世少盃上演《足球小將》真實版，日本U17打入八強，對手係巴西U17。日本今屆表現真係唔嘢小，分組賽力壓兩支名牌球隊法國及阿根廷，以首名出線，十六強更大炒新西蘭六蛋，情節似足漫畫，根據故事發展，日本隨時可以爆冷擊敗巴西。（周一早上7時開賽）
日本小將可以打入八強，並非偶然，佢哋優勝之處在於有紀律，踢法好機動，就以對阿根廷為例，日本攻門唔算多，但好有效率，即使領先三球，都毫不鬆懈，繼續全力拚搏，心理質素超過同齡球員，相信唔會被巴西嘅名氣嚇倒。
巴西雖然以青訓出色，但過去兩屆成績麻麻，上屆分組賽出局，前屆十六強止步，今屆入到八強已算有交代，實力唔會高得過日本。