大家仲記唔記得上年南非世界盃嘅德國神奇八爪魚保羅嗎？佢雖然已經過身，但德國各地水族仍然非常懷念佢，近日舉行選拔賽，由八隻八爪魚比試預測女子世界盃德國隊嘅賽果，有三隻預測東道主德國可於周日首仗擊敗加拿大，三隻認為會打和，兩隻估加拿大會贏。
八隻八爪魚分別來自柏林、慕尼黑、奧柏豪森及漢諾威等城市，佢哋將會預測德國女足喺今屆女子世界盃所有比賽，命中率最高嘅八爪魚就會成為保羅嘅接班人。
東道主兼上屆德國首仗對加拿大仍係強弱懸殊之戰，估計德國可以輕易大勝，但只有三隻八爪魚估主隊會贏。
不過，德國女足又唔需要太擔心，因為來自奧柏豪森嗰條八爪魚就揀咗德國贏，而神奇八爪魚保羅上年就喺奧柏豪森嘅水族館大發神威，估八場都中晒。