40歲嘅日本老將伊達公子，對網球嘅激情及堅持令人欽佩，即使被V威廉絲以2比1擯出局，但老而彌堅嘅表現，受到球迷一路拍掌送別離場。比賽中發生笑料一則，前德國「金童」碧加竟誤以為伊達係中國人，在Twitter指佢獲得大批中國球迷支持，呢個烏龍被日本記者發現，並發表「伊達不是中國人」嘅文章以正視聽。