溫布頓網球賽昨日開波，有單花邊新聞同大家分享一下，一名男子在八年前用1,520鎊（約19,000港元）投注瑞士球手費達拿可以七奪溫網男單冠軍，賠率為67倍，依家費達拿已經攞咗六次，如果再攞就可為該名男子贏得超過10萬鎊（約126萬港元）獎金，可惜呢名男子卻不幸於○九年過身，萬一真係中咗咁有冇錢收？威廉希爾發言人表示，雖然該男子已不在人世，不過投注依然有效，由於該男子在遺囑上寫明所贏得獎金將會捐去樂施會，如果費達拿真係封王，博彩公司會按其遺願，直接將呢筆獎金捐畀樂施會。