俄亥俄州州長卡西奇，日前宣布向首奪NBA總冠軍嘅小牛，頒予榮譽市民身份，並盛讚小牛主將魯域斯基願意續約留隊，乘機「抽水」諷勒邦占士背叛騎士。
小牛亦已決定在香港時間今晚進行勝利巡遊。今次巡遊費用全由班主古班支付，預計會有多達25萬人參加，而古班在奪冠當晚，已豪花11萬美元（約87萬港元），讓球員在邁阿密一夜店狂歡慶祝。
此外，網上亦有人製作短片「惡搞」占士，寸佢決定打WNBA（美國女子職業籃球賽）！不過「大帝」失冠後已飛到巴哈馬度假，而隊友「閃電俠」韋迪，就會喺七月訪華，散散心兼狂賺「人仔」。