大埔谷鬼氣淘汰飛馬
抽筋都要趕出場？本地球壇今季最後一項錦標足總盃，昨假香港大球場舉行兩場四強賽事，頭場新界地產和富大埔以四比二淘汰天水圍飛馬，之後南華以三比一戰勝晨曦，大埔與南華將於五月廿九日爭霸。大埔今仗贏得精彩，但最終僅餘九人應戰，其中陳旭智因抽筋被罰第二面黃牌出場，球證判決令全場嘩然！
大埔今季成為飛馬嘅剋星，繼聯賽兩循環及銀牌三勝飛馬之後，昨又在足總盃淘汰對手，今仗大埔由安基斯首開紀錄，伊達其後近射為飛馬扳平，但基頓接應角球頂入，大埔半場領先二比一。戰至八十六分鐘伊達射入十二碼為飛馬扳平須加時分勝負，球證爭議判決亦在加時出現；加時上半場基頓為大埔頂成三比二，九十七分鐘大埔呂志興兩黃一紅離場，但十人應戰下再由陳立明「零角度」入球射成四比二，餘下時間大埔多名球員出現抽筋現象。
痛到瞓低球證當扮嘢
戰至加時下半場十分鐘，陳旭智代曾經抽筋的門將彭梓鍵開出死球，右腳一發力便抽筋倒地，等待大埔隊醫及聖約翰救傷隊入場治理一番之後，球證吳佳林竟向他出示第二面黃牌將其驅逐離場，大埔在九人應戰下力保勝果殺入決賽。
對於自己可能成為足球史上首名因抽筋被逐球員，陳旭智賽後只能苦笑：「當時我真係抽筋，右小腿肌肉硬晒仲痛到瞓低，其他人一睇就知，但球證睇都未睇，已經一口咬定我扮嘢，好彩當時贏緊兩球咋！」
教練張寶春也慨嘆：「球證執法水平好影響可觀性，在場觀眾都認為有啲紅、黃牌根本唔值得畀，陳旭智第二面黃牌更係最無厘頭，而且呢啲問題已經唔係一場半場發生，足總應該正視。」
根據紀律小組慣例，兩黃一紅只須停賽一場，幸好大埔在決賽前，本月廿二日要先應付對屯門的聯賽煞科戰，呂志興與陳旭智都會在該仗停賽「洗底」，再於足總盃決賽登場。
