姚明前隊友麥基迪雖然人氣滑落，但喺內地仲有好多粉絲，佢喺自己嘅微博透露，將會以「溫暖中國大使」身份，喺八月廿三至三十日到訪中國，進行一系列慈善活動。
T-Mac麥基迪近年雖然有唔少負面新聞，今季轉投活塞後，亦傳出與教練不和，但佢依然善心爆棚，積極參與慈善活動，佢將建立一個名為www.tmac-china.com嘅網站，畀網友捐款，所有善長仁翁可獲得一次抽獎機會，獎品除咗有麥基迪簽名波衫同波鞋，仲可以喺中國同麥基迪單獨約會。
T-Mac除咗幫助中國嘅朋友，亦顧及日本地震嘅災民，善款1%金額會捐贈畀日本，用作地震嘅救援工作。