ＮＢＡ季後賽行七場四勝制，老實講輸一場半場，根本唔係乜嘢世界末日，最緊要係輸完識得吸取教訓，改善弊病。衞冕冠軍湖人首場賽事之所以輸波，最關鍵係老將費沙速度慢，守唔住年輕有活力嘅「ＣＰ３」基斯保羅，畀佢連番得分做埋贏波英雄。
禪師示範迅速應變
經驗老到嘅「禪師」積遜又點會睇唔到呢個問題，並迅速採取應變措施，第二戰即刻改變打法，用多位球員輪流嘜實基斯保羅「ＣＰ３」，大大減低其活動能力，而事實上「ＣＰ３」今場得分亦確實有所下降，成為湖人贏波關鍵。季後賽最重要就係講求應變能力，一定唔可以一本通書讀到老。
有線ＮＢＡ評述員蔡芳裕