Alejandra去年年尾誕下一子Matteo，但老公拿殊事隔一日後就公開宣布離婚，好快就有傳言指出世兒子係黑皮膚，經手人首先傳係拿殊前鳳凰城隊友巴布沙，之後再傳係另一前隊友積遜李察遜至真。
ＢＢ「雪白」冇黑人血統
不過，原來傳言統統非事實，Alejandra日前帶同兩個女兒及幾個月大嘅Matteo接受雜誌訪問，四人更合照，Matteo皮膚雪白根本冇黑人血統，傳聞不攻自破。據悉Alejandra自從離婚後一直備受情緒困擾，全因佢接受唔到被傳媒指摘背夫偷食，仲珠胎暗結要拿殊做便宜老竇，所以先帶埋Matteo出面澄清。