湖人劏牛又開拖！

五人被逐 球迷想入場搞事

今場最大衝突發生在第四節剩餘約9分鐘，湖人後衞比力克不甘被小牛嘅泰利蓄意撞跌，上前質問時兩軍險釀毆鬥，其中最狼死係幫比力克出頭嘅班尼斯，除咗推撞泰利，又將小牛助教史葛斯摔跌。結果合共4人包括比力克、班尼斯、希活及泰利被逐出場，而沙朗布朗就在較後時間被逐。

今場賽事仲有一段小插曲，一名坐在小牛後備席上方嘅球迷，在衝突事件發生後，準備衝落場搞事，幸好被保安及時制止，但賽事卻因此而停頓一段時間。湖人今場有5人得分達雙位數，其中高比拜仁攻入最高28分，而拜林就貢獻「雙雙」18分及13個籃板，協助球隊大勝28分之多。