張小倫有高度、有身形又有「上鏡樣」，有咁嘅本錢係極之容易襯衫！其實，我真係好欣賞佢套紅色格仔恤衫裝扮，因為能夠完全演繹出依家最流行「College Boy」嘅感覺，但係如果佢摺起手袖、改着窄身牛仔褲，再襯埋一對時款波鞋，就能做到更佳效果。
小倫另一個形象就係灰色大褸襯對Boot，呢個造型凸顯咗佢嘅英氣。不過，條長褲就暴露咗佢大腿較粗嘅缺點，我會建議佢改用低浪褲，同埋一對高筒波鞋就會較為合適。
其實以小倫咁Sharp嘅條件，只要執一執個髮型就夠晒料做Model，我另外會建議佢試吓多啲着今個夏天男士最流行嘅長身薄褸，除咗可以增加飄逸感之外，仲好襯佢咁高大嘅身形添！