「骨肉皮女郎」（Groupie，意思是尋求與名人發生關係的人）Sheneka Adams，由於準備出書撰寫其性史，故近日不斷爆出與各路名人曾發生關係，早前就率先透露「甜瓜」安東尼在一次派對中叫佢上房翻雲覆雨，而今次主角就到「飛人」卡特。
離咗婚唔算偷食
據Sheneka Adams所講，佢喺亞特蘭大一間夜店內認識卡特，兩人見面一拍即合，而Sheneka更向傳媒發放當日與卡特所影嘅合照，證明自己並冇吹水。不過卡特都唔算偷食嘅，事關佢喺幾年前已經同前妻離婚，而「飛人」女伴近年亦換個不停，好明顯今次只係逢場作戲而已。