大頭領軍天津鬥現代
為今屆賀歲波打頭陣嘅頭場賽事為南韓蔚山現代對上屆中超亞軍天津泰達，今仗賣點是前中國國腳李瑋峰，「大頭」剛結束兩年韓職生涯，重返中超加盟天津泰達而得以隨隊參賽，亦是他自09年後再度來港賀歲，與香港賀歲波認真有緣。
盼上演「中超決賽」
由前中國主教練阿里漢執教嘅天津泰達，今季目標定為衝擊亞洲聯賽冠軍盃及中超聯賽，球會亦成功簽下剛與韓職水原藍翼解約嘅李瑋峰，亦令「大頭」繼09年隨水原藍翼訪港賀歲後，今次再代表泰達來港參加賀歲盃。
李瑋峰指出，天津泰達在亞冠聯首仗對手也是來自南韓，今仗正好考驗一下南韓球隊特性，他並期望恒大可以擊敗南華，令今屆賀歲盃由兩支中超球隊在決賽會師。
蔚山現代曾參加08年賀歲盃，先在初賽敗於夏德腳下，而季軍戰又以互射十二碼不敵彭拿路而敬陪末席，今次捲土重來與三支中港兵團交鋒，且看能否脫穎而出。
賀歲盃今日賽程
3:00pm 蔚山現代（南韓）Vs天津泰達（中國）
5:30pm 南華（香港）Vs廣州恒大（中國）
地點：香港大球場
票價：$280、$180、$100（特惠票）