德甲CEO抨擊收效
自從卡塔爾奪得2022年世界盃主辦權後，國際足協已多番表明有意將該屆賽事改在冬季舉行，避免球員在酷熱天氣下比賽。結果換來Christian Seifert嘅抨擊：「呢個決定將困擾全球足球壇，唔好天真以為只係四星期嘅事，而係會影響一整季，甚至乎影響埋世盃年前後嘅賽事，我肯定歐洲足協都會大受困擾。要知道出糧畀球員嘅始終係球會，佢哋要承受財政上嘅風險，我希望國際足協能夠多啲尊重各大球會、聯賽及球迷。」
事實上，主辦國卡塔爾早前亦表示唔希望改在冬季舉行，所以在眾聲齊反之下，國際足協決定收回成命，2022世盃照舊喺夏天舉行。