視為公益活動
至於搵到錢嘅大球星又邊使打工？好似米高佐敦同姚明咁，已經買咗支球隊做老細，不過「姚之隊」負責人章明基，日前就爆出姚明喺09年所收購嘅上海男籃，在上個球季竟然錄得驚人虧損，達到2,000萬元人民幣！雖然阿裕深明大部分CBA球隊都蝕錢，但由於好多都具有大財團做靠山，所以蝕嘅錢只當宣傳費而已，咁姚明呢？蝕嘅就係佢嘅人工同廣告收入架嘞！
雖然蝕錢蝕到入肉，但據悉姚明收購CBA球隊，只視為一項公益活動，希望出一分力去推動內地嘅籃球聯賽，並非一心為錢，抵阿裕咁敬重「小巨人」嘅。
有線ＮＢＡ評述員蔡芳裕