菲臘普西斯踢拖射籃頻穿針

菲臘普西斯型爆籃球場！呢位澳洲型男趁昨日冇比賽，「走出」網球場到維園籃球場大顯身手，架上黑超、踢住「人字拖」嘅佢，同朋友鬥射波，呢名網球名將有姿勢有實際，射波頻頻穿針，轉戰籃壇一樣冇問題喎！

香港天氣尋日稍為和暖，菲臘普西斯亦特意喺下晝陽光普照時同朋友到維園籃球場晒太陽兼舒展筋骨，雖然「踢拖」打籃球，但亦打得有板有眼。記者上前打招呼同拍照時，佢都有求必應，毫無架子，如果大家想同呢位名將切磋籃球技術，呢兩日或者可以去維園街場碰碰運氣！